سمينار

السلام عليكم و رحمة الله و بركاته

كنت عايزة أقول حاجة لفتت أنتباهي أوي . هي أن عندنا في مادة السيمينار كل اللي بيطلع يشرح بيكون خايف جدا و مرعوب و كل دة ليه ؟ عشان هيقف أدام الناس و كل اللي قاعدين هيبصوا عليه و يا سلام بأة لو حد سأل اللي بيشرح سؤال مش عارف يجاوب عليه الواحد وشه بيدي الوان. و شوفوا كمان كل واحد أستعد أد أيه من أول ما عرف بميعاد تسليم السمينار عشان يظهر على أكمل وجه .
دلوقتي هسألكم سؤال هل أستعدينا للقاء الله و الوقوف بين يديه ؟؟؟؟ وهل نحن مستعدين للرد عندما نسأل على أفعالنا و أعمالنا ؟؟؟هل كل واحد فينا أستشعر عظمة و جلالة الله و عظمة الموقف ؟؟؟ كام واحد فينا قام مش عارف يتكلم من الخوف في السمينار , يبقى هنعرف ننطق أمام الله مع مراعاة هول الموقف ؟؟؟
"اللهم أحسن وقوفنا بين يديك "
"احساس مؤلم ان يقول الله لى يوم القيامة عبدى استهونت بلقائى ؟ ... احساس مؤلم الا استطيع ان اجيب على سؤال الملكين فى القبر ... احساس مؤلم....ان يموت احد والدىّ و هو غاضب علىّ ، احساس مؤلم...الا اكون واصلا لرحمى ، احساس مؤلم ان يدخل الصالحون الجنة و يتبوأوا اماكنهم ولا اكون معهم .. احساس مؤلم ان تقول نفس يوم القيامة ياحسرتا على مافرطت فى جنب الله...وان كنت لمن الساخرين"
ملحوظة:
أنا لا أقصد أشخاص معينة و لا إهانة أي شخص أنا كنت قايمة خايفة بردك بس الموضوع هو اللي لفت انتباهي .