FCI Tag

السلام عليكم و رحمة الله و بركاته

I have been tagged by Nouran , Halato answer these questions ,thnx to the author of these questions"7ossam". (Copy we paste :D) .mmmmm ana low se2t yeb2a besabb el-blogs wel facebook :D rabena youstor

List five things you learnt in FCI -not Technical :D-??

أتعلمت حاجات كتييييييييير أوي مش خمسة بس و مش هرقم أنا هفضل أتكلم لغاية أما أخلص كلام إن شاء الله.
دي أول مرة أتعرض لمجتمع مفتوح و كبييييييير أوي كدة اللي بيحكمك فيه ضميرك سواء في العلم أو التعامل.

- و اللي أتعلمته أن اللي يدي أكتر ربنا يكرمه أكتر و أن اللي عنده ضمير في شغله هو اللي الناس بتفضل تفتكره بالخير.
- الواحد ما يحكمش على اللي قدامه بسرعة و لا من موقف و لا اتنين و لا تلاتة لو كان عايز يحكم صح يبأى يكون ليه تعامل كتير مع الشخصية اللي قدامه يأما ما يحكمش خالص.
- أتعلمت إني أكون إيجابية أكتر و أقول رأيي و أتناقش مش مشكلة أتكبس :D بس أكيد فيه مرة مش هتكبس فيها و هستفيد من النقاش دة.
- ما أحكيش لأي حد اللي بيضايقني لازم أكون واثقة فيه الأول و أن اللي قدامي هيفهمني صح.
- أتعلمت أن الظلم دة وحش أويييييييييييي بس الظالم أوحش. .

- أتعلمت إني أحاول أستفيد من الموقف اللي حصل بقدر الإمكان و أن الأعتراف بالغط أفضل من الماكبرة.
- أتعلمت إني أحاول بقدر الأمكان إني أتمسك بمبادئي أوي طالما صح , حتى لو كنت أخلفتها في بعض الأحيان بس أرجع للأصل تاني.
- أتعلمت أن مش لازم أي حاجة بتحصل حوليا أنا لازم أعملها إلا إذا كانت صح .
- أتعلمت أن كظم الغيظ دة شئ عظيم و أنه فعلا شئ مش سهل.
- أتعلمت أن كلنا بنطبع ببعض من كتر القاعدة مع بعض فاللي فيه شئ كويس بيتنقل لأصحابه , فتربية فرد كويس في البيت ممكن تأثر على مجموعة أفراد و الأفراد يأثروا في أفراد تانية فبالتالي ممكن يتصلح جزء كبير من المجتمع عن طريق فرد.

- أتعلمت أن فعلا الكلمة الطيبة صدقة -أد أيه بتأثر في الشخص كلمة كويسة- و تبسمك في وجه أخيك صدقة و المسامح كريم و إلقاء السلام -ألا أدلكم على شئ إذا فعلتموه تحاببتم أفشوا السلام بينكم- دول المفاتيح الأساسية لفتح التعامل مع شخصية ما .

- أتعلمت إني ما أتكسفش لما أكون مش فاهمة أو مش عارفة حاجة و أسأل عليها .

-

.

.

.

دة اللي فكراه دلوقتي و ممكن أزود بعدين بس كفاية عشان تعبت :D


Five things you will miss in FCI?
- هفتقد إني أتعرف على ناس جديدة.
- هفتقد إني أفضل أغلس على الناس و أفضل أنكش في دي ودي :D .
- هفتقد المسجد و المقرأة اللي فيه.
- هفتقد لف البلح في رمضان و أننا نشجع بعض أننا نروح أماكن كويسة.
- هفتقد التهييس اللي بيحصل في المدرج في محاضرة أو سكشن و الكومنتات اللي شغالة طووووول ما المحاضرة شغالة.
- هفتقد أننا نعمل أي حاجة تيجي في دماغنا مرة واحدة زي ما رحنا كلنا نتغدى برة و بقينا 16 مرة واحدة بدون تخطيط ما شاء الله يعني .
- هفتقد إني أجري على أي صورة بتتصور و أغلس على اللي فيها :D .
- هفتقد العك يا هناااااااااااااااااء و مكرونة بويز كورنر :D:D:D بس الآيس كريم جامد .
- هفقتد نزول وسط البلد كتير من برة برة و كشري التحرير اللي بيحرق القلب :D:D:D .
- هفتقد النقط بتاعت نسمة :D دة على أساس إني هموت بعد ما خلص الكلية و مش هشوفها تاني :D .
- هفتقد الرخام بتاع الكلية :D و مباني الكلية بحب كللللللللللللل مكان في الكلية حتى البدروم :D .
- هفتقد حرقة الدم بتاعت الكلية :@:@:@ بس بسيطة أبقى أكلم أي حد من الكلية و أنا هفتكر على طول :D .
- أه صحيح حد ينسى الطفطف هفتقده خالص كان أصيل بردوا و بينقذ كتير.
.
.
.
هفقد حاجات كتير ناس كتبتها في بلوجات تانية , هفقد حاجات كتير مش خمسة بس.

Best day in FCI Helwan?
الحمد لله فيه أيام كتيرة حلوة

Worst day ?

أي ليلة تسليم مشروع

Best week?

الأسبوع الثقافي بس بتاع السنة اللي فاتت حسة أنه أحلى مع أن المسرحية كانت جاااااااااااااااامدة ما شاء الله. يمكن علشان السنة اللي فاتت كنت أول مرة أعرف حاجة أسمها الأسبوع الثقافي .

Worst Week ?

أي أسبوع قبل الأمتحانات

Best doctor, course, book, project?
أفضل دكتور : أحمد الجارحي ثم أحمد الجارحي ثم دكتور سيد عبد الجابر.
أفضل كورس :
system analysis , Database
أفضل كتاب :
أنا بحب الملازم مش الكتب :D بس ال AI كان كويس.
أفضل مشروع:
Multimedia , Compiler

Best instructor?

- مستر عمرو غنيم -----> ربنا يكرمه
- مس مي -----> كفاية بس أنها على أسمي :D
- مستر سمير
- مس ليلى
- مس آية

Bad situation?
هو اللي فكراه موقفين بس أكيد بردوا فيه كتير
- لما كنا في سكشن إيهاب و أحرجني أنا و نسمة مع أننا كنا قاعدين عادي بس قال تعليق كدة منه لنفسه حرقني أنا و هي .
- موقف حصل لما أشتركت في نشاط تبع الكلية بس مش هحكيه بس أتعلمت منه جاااااااااااااامد جدااااااااا الحمد لله. بس أستمتعت في الآخر بس . أنا كنت حابة إني أجرب حاجة جديدة بس الحمد لله إني أستفدت منها.

Did you meet your sweet-half in FCI?

No أيه السؤال المنيل دة :S

Did you regret for knowing someone in FCI?

الصراحة أه

What was your favorite place in the faculty?

المسجد , الدور الأول

What is the size of our digital photos on your hard disk?

7.8 GB فيه منهم متكرر و مضغوط .

What will you do in the last day?
هحاول ألعب مع أصحابي على أد ما أقدر بعون الله و هكون من أواخر الناس اللي هتمشي من الكلية إن شاء الله أنا و أصحابي و هسلم على الدادات عشان بحبهم أوي بالرغم من أن الدادة دايما ناسية أسمي و بنتناديني يا مروة يا منى :S :D . و أحتمال كبير أعيط في حالة إني ما شفش حد بيعيط بس لو لا قيت حد بيعيط هفضل أضحك :D

What would you like to say to dof3tnaa?

إني أحبكم أويييييييييييييييييييي في الله بجد بجد و دايما هفتكر الأيام الجميلة اللي كنت فيها معاكم . بجد الدفعة دي عيلتي التانية و بقعد معاها أكتر ما بقعد مع عيلتي و قرايبي . هفتكر إن شاء الله الحاجات اللي أشتركت فيها كلللللللل الدفعة زي الرحلات و الماتش كان جااااااااااااامد جااااااااااامد و الصور الجماعية القلب و ال FCI الفوتو داي و الأسبوع الثقافي و المؤتمرات اللي كنا بنروحها سوا و مش فاكرة أيه تاني . بمناسبة الأسبوع الثقافي شباب رعاية الشباب ما شاء الله ربنا يكرمهم و يبارك لهم بجد ما شاء الله شباب إيجابي و فعال و لما بيمسكوا حاجة بيعملوها بضمير و كويس أوي و كفاية أنهم حريصين أنهم يبسطوا الدفعة و بيهتموا بالرحلات و مكانها اللي يرضي الناس أعتقد أن بدونهم كان زمان فيه حاجات كتير ما أستمتعناش بيها في الكلية---------> ربنا يكرمكم :)

What would you like to say to other grades -aldof3at altanya ?
أقول لهم أنهم ما يعرفوش ناس كتيييييييييير علشان فراق الناس الكتير دي بيبقى صعب أوييييييييييي . و أقول لهم أنهم يحولوا من الكلية دي من أولها :D و ينقذوا نفسهم علشان دي كلية self study . و أقول لهم أن أحسن صحبة و أكتر صحبة بتدوم هي الصحبة اللي في الله لو مثلا في سنة أولى و عايز يتصاحب على حد أول حاجة يصاحب اللي بيقابلهم في المسجد على الأقل يكونوا بيصلوا :) . أه و أنهم يكونوا بسطة في التعامل مع الناس و على طبيعتهم .

Is 2003-ya3ny lo reg3t lesnah ola bel3fyah ??
هتمنى أرجع أكتر من سنة أولى يعني على الثانوية العامة كدة و أحول أدبي :D:D:D أو أدخل علمي علوم علشان أبقى دكتورة لان مجال البرمجة دة مش حسة أنه هيفيدني أوي في حياتي لكن لو بيقت دكتورة ممكن على الأقل أفيد عيلتي و بيتي و الناس اللي حوليا. بس في الأخر لعله خير إني أدخل الكلية دي :)

I'd like to Tag Nesma Mustafa ,Mona Essam (o5ty :D) , Hanaa, Mona Mahrous , Marwa Mohamed , Kol El-Nas elle mesh 3amllo mn FCI :)

Fe ay wa2t yektbo mesh shart Now 3ashan el-exams :S

yalla ba3d kol dah catch u later isa :D