الصلاة الجزء الثاني

السلام عليكم ورحمة الله وبركاته
أزيكم يا شباب ؟
يا رب تكونوا كويسين و تكونوا ماشيين كويس في الجدول و كل واحد يكون صلح ولو جزء بسيط من نفسه .
بصوا يا شباب الكلام اللي هيتكتب بعد كدة مش أنا اللي كتباه هي فيه بنوتة صحبتي هي اللي كتبته و أنا مش عارفة أكتب أحسن منه الصراحة عشان كدة أخدته كوبي و بيست ;) ما حدش يقول لها و في نفس الوقت مش قادرة أخده باسمي و كمان عايزاها تشارك في الثواب إن شاء الله .
_____________________________________________________________________________________

دلوقتى يا أحبائى فى الله هانشوف موضوع جميل جدا اول حاجة هنوضحها ان شاء الله فى برنامج الطاعات
أحلى حاجة فى الحياة فيها راحة القلب والعقل والبدن
دلوقتى هانستعد مع بعض لmeeting بس مش مع أصحابى ولا مع دكاترتى ديه مقابلة مع خالق الكون
ياه ما عظمة هذا الملك المتواضع
طبعا كل واحد هايقعد يفكر طب البس ايه أجهز نفسى ازاى لازم اكون فى احلى صورة لازم اكون على الصورة اللى هو بيحبها
ده اللى هنحاول نعمله مع بعض ان شاء الله بس هنقسمها على كذا مرة عشان الموضوع طويل شوية
-------نبدأ بسم الله الرحمن الرحيم
طبعا الاول احضار النية والنية محلها القلب
هانروح نتوضأ ونسبغ الوضوء
بسم الله اللهم اجعلنى من التوابين واجعلنى من المتطهرين
**** قال تعالى(يا أيها الذين آمنوا اذا قمتم الى الصلاة فاغسوا وجهكم وايديكم الى المرافق وامسحوا برؤسكم وارجكلكم الى الكعبين ).
بعد الوضوء : أشهد ان لا اله الا الله وحده لا شريك له واشهد ان محمد عبده ورسوله.
ياه الحمد لله دلوقتى الذنوب تساقطت بعد الوضوء
دلوقتى هاتوجه للقبلة بقلب خاشع ومستحضر فى نفسى عظمة الله ناظرا الى محل السجود طبعا انا هاقف ادام ربنا
وأقول الله أكبر رافعا يدى الى حذو المنكبين او الى حيال الاذنين(المعنى الله أكبر فوق كل كبير فوق عملى فوق أهلى فوق مالى فوق كل شىء)
وضع اليد اليمنى على اليد اليسرى على الصدر
//فى دعاء جميل عشان استفتح صلاتى
"اللهم باعد بينى وبين خطاياى كما باعدت بين المشرق والمغرب اللهم نقنى من خطاياى كما ينقى الثوب الابيض من الدنس اللهم اغسلنى من خطاياى بالماء والثلج والبرد"
أو
"سبحانك اللهم وبحمدك وتبارك اسمك وتعالى جدك ولا اله غيرك"